Një stuhi e fortë ka goditur pasditen e kësaj të marte qytetin e Vlorës, duke shkaktuar panik te pushuesit dhe probleme në disa zona urbane.
Reshjet e shiut me intensitet të lartë, të shoqëruara me erëra të fuqishme, përfshinë qytetin brenda pak minutash, duke sjellë një përmbysje të menjëhershme të motit, ndonëse ndodhemi në kulmin e sezonit turistik.
Si pasojë e stuhisë, janë raportuar rrëzime pemësh dhe dëmtime të lehta materiale, ndërsa për fat të mirë nuk ka të dhëna për persona të lënduar.
Rrugët e qytetit u mbushën me ujë në një kohë shumë të shkurtër, duke krijuar vështirësi në qarkullim dhe duke detyruar shumë qytetarë e turistë të kërkojnë strehë.
Autoritetet vendore po monitorojnë situatën, ndërsa pritet që moti të përmirësohet në orët në vijim.
