Vaksina e Pfizer kundër COVID-19 funksionon kundër mutacionit të virusit që u zbulua për herë të parë në Afrikën e Jugut. Sipas studimeve te kryera, vaksina Pfizer funksionon edhe kundër mutacioneve të gjetura në Mbretërinë e Bashkuar.
Një studim i Pfizer Inc. zbuloi se mutacionet e koronavirusit të identifikuara në Mbretërinë e Bashkuar dhe Afrikën e Jugut kishin vetëm ndikime të vogla në efektivitetin e antitrupave të gjeneruar nga vaksina Covid-19 e kompanisë. Antitrupat ishin vetëm pak më pak të efektshëm kundër mutacioneve në variantin e identifikuar në Afrikën e Jugut, sipas studimit.
Gjetjet e Pfizer janë në përputhje me rezultatet e tjera paraprake të raportuara javët e fundit nga disa grupe kërkimore që merren me efektivitetin e vaksinave të disponueshme kundër varianteve të reja.
Kujtojmë që Afrika e Jugut më herët shtyu miratimin e vaksinëns së Astra Zeneca për shkak se studimet kishin treguar se ajo nuk ishte efektive ndaj varianteve të ndryshuara gjenetikisht të virusit. Vaksinimi do të vazhdojë me dozat e marra nga Pfizer dhe Moderna, ndërkohë është pranuar edhe vaksina e Johnson&Johnson.
Studeiuesit janë në garë me kohën për të gjetur një vaksinë sa më efektive ndaj virusit dhe mutacioneve të tij, në mënyrë që t’i jepet fund pandemisë dhe të rikthehet normaliteti.
