Një studente shqiptare, e cila studionte në Kinë, është rikthyer në Shqipëri, pas shpërthimit të koronavirusit.
Ajo është shtruar tek reparti i Infektivit në QSUT, shkruan “Balkanweb”.
Pas ekzaminimeve , rezulton se studentja nuk ka koronavirus, por një grip të thjeshtë.
Mësohet se ajo shumë shpejt do të lërë spitalin, pasi nuk ka rrezik për pjesën tjetër të popullsisë.
Deri më tani koronavirusi në Kinë ka marrë 132 jetë njerëzish, ndërsa raportohen mbi 4500 të infektuar.
Qyteti i Wuhan-it, ku shpërtheu epidemia, tashmë ngjan me një qytet fantazmë, për shkak të ndërprerjes së shërbimeve publike dhe ngujimit të njerëzve në shtëpi.
Autoritetet kineze janë shprehur se virusi është përhapur nga supa me lakuriq nate ose mishi i gjarpërinjve.
Mirëpo ka dyshime të forta se në Wuhan po prodhoheshin armë biologjike.
Koronavirusi është përhapur edhe në Europë, ku janë konstatuar 3 raste në Francë, 1 në Gjermani dhe 1 në Itali.
