Kryeministri Rama gjatë një bisede që ka zhvilluar ditën e sotme me qyetatarët, iu është përgjigjur të gjitha pyetjeve. Një student e ka pyetur kryeministrin lidhur me planin e qeverisë për studentët dhe të rinjtë, pasi shtroi problematikën se kjo shtresë has shumë vështirësi në kërkimet e literaturave.
Në përgjigje Rama tha se Shqipërisë i duhen shumë vite për të pasur një arsim të cilësisë së lartë, duke pranuar kështu që puna e bërë në këto tetë vite nga partia Socialiste nuk është e mjaftueshme.
Ai gjithashtu fajësoi Universitetet që me ligjin e ri janë autonome dhe sipas tij e kanë keqmenaxhuar këtë përgjegjësi.
Pjesë nga biseda:
Marini: Unë jam i interesuar për pjesën e shkollimit për të rinjtë, sepse unë dhe moshatarët e mi kemi rastisur që të bëjmë kërkime nëpër letra dhe kemi hasur vështirësi të ndryshme për shkak të metodave që ndiqen deri në gjimnaz, ndërkohë që moshatarët tanë jashtë shtetit janë shumë më të avancuar në këtë fushë. A mos duhet që dhe ne të kemi qendra kërkimore studentore ër çdo universitet. Nuk po flas vetëm për pjesën e doktoraturës por flas për një punë kërkimore akademike cilësore. Cili është plani i qeverisë për të rinjtë?
Edi Rama: Po çfarë duhet të pres unë. Fatkeqësisht përgjigja nuk është pyetja ose reagimi yt nuk është i pëlqyeshëm për mua, por edhe ty përgjigja ime. Ne nuk kemi shok magjik. Bebja nuk bëhet dot 10 vite nëse prindërit nuk kanë mund dhe durim për 10 vite. Në rastin tonë ne mund dhe duam të përshpejtojmë proceset, por janë procese që do të marrin rrugën e tyre me sesbën. Ta shkruash një plan është një punë më e lehtë se sa ta zbatosh. Unë jam i shqetësuar dhe një pikëpyetje të madh është se si do të kalojë arsimi i lartë në një fazë tjetër. Pyetja është kur do të kalojë. Sa kohë do i duhet që universitetet shqiptare të shkojnë në nivel tjetër. Universiteti shqiptar ka një autonomi që nuk e ka pasur më para. Kjo nuk është vetëm autonomi por dhe përgjithësi. Kur t’i nuk je më në duart e prindërve dhe del nga shtëpia e tyre ke liri më të madhe, por edhe përgjithësi më të madhe. Tek universiteti shfrytëzohet liria në dëm të përgjithësisë. Kjo është një proces dhe nuk bëhet me urdhër nga lart. Unë mendoj që në Shqipëri, në shoqërinë tonë dhe në funksion të ardhmes tonë, javën që kemi lënë pas ka ndodhur diçka historike
