“Këta nuk kanë asnjë plan dhe nuk kanë marrë asnjë masë. Duhen veprime të shpejta për t’i ardhur në ndihmë gijthë studentëve”, deklaroi kryetari i PD-së, Lulzim Basha, në një takim me studentët e Fakultetit të Drejtësisë.
Një studente tha se dëshironte të studionte për “human laë”, por vendi ynë s’e ofronte këtë profil, dhe jashtë tarifat ishin shumë të larta. Ajo i tha Bashës se i ka prindërit pa punë pasi u përjashtuan kur iku PD nga pushteti.
Disa u ankuan për mësimin online të cilin e konsiderojnë të pamjaftueshëm. Basha iu premtoi zgjidhje pas 25 prillit dhe i inkurajoi që të vijojnë të luftojnë e të mos largohen nga vendi i tyre.
Studentja 1: Kam përfunduar për Drejtësi. Përfundova me mes 9.6 bachelor dhe master doja t’i vazhdoja në human laë, por në Shqipëri nuk mundesha sepse nuk e ofronte këtë degë. Vetëm Belgjika, Holanda, Zvicra, Suedia, por tarifat ishin shumë të larta, sidomos për shtetet që nuk ishin shtete të BE. Për një student shqiptar dhe sikur t’i ketë prindërit në punë, që unë s’i kam se kur iku PD nga pushteti i hoqën si çdo anëtar të administratës. E vetmja mundësi ishte bursa. Bursat vijnë te Ministria e Arsimit, por këto bursa ishin fantazmë, nuk e dije se kur merreshin, si merreshin, nga vinin dhe kush i merrte. Pra unë jam e shqetësuar për degët që sot Shqipëria nuk i mundëson. Kam një sugjerim për ju, për këto bursa, që vendi ynë të lidhet me vendet e tjera, me universitetet. Këtu tek ne është shumë e vështirë, sepse ekziston nepotizmi, mungon meritokracia.
Studentja 2: Unë dua të ngre shqetësimin e mësimit online, ishte një vendim i padrejtë për faktin sepse nuk mund të zëvendësohen 5 orë leksion në auditor me 1 orë online. Viti 3 në drejtësi është shumë i vështirë dhe do përkushtim. Ne s’dimë ku do shkojmë nesër.
Basha: Këta nuk kanë asnjë plan dhe nuk kanë marrë asnjë masë. Duhen veprime të shpejta për t’i ardhur në ndihmë gjthë studentëve. Do ta finalizojmë me sukses këtë që kemi nisur. Ky sistem është bërë pengesë. S’na mungon agjë që për pak kohë Fakulteti i Drejtësisë së UT të bëhet model në rajon. Unë kam punuar më herë me këtë universitet. Europa i ka sytë nga rinia për ndryshimin, dhe 25 prilli do jetë ndryshimi. Nuk ndahen studentët sipas përkatësisë politike, por sipas meritave. Nuk ka provë më të mirë për të treguar meritën dhe aftësinë tuaj kur jeni jashtë vendin, se si shkëlqeni andej. Ne do i bëjmë gjërat së bashku, siç kemi bërë edhe më parë, kemi hequr vizat, jemi futur në NATO.
/Gazetareforma.com/
