Ukraina ndodhet në luftë prej 20-ditësh ndërkohë që largimet nga vendi kanë qenë masive.
Edhe Shqipëria po mirëpret ukrainasit të cilët duan t’i shpetojnë tmerrit të luftës.
Pas familjes së parë që u strehua në Laknas, Kamëz, dy familje të tjera nga Ukraina kanë mbërritur në Vlorë.
Kseniia Breus, nëna me dy fëmijë tregon tmerrin që ka kaluar në luftë . Ajo rrëfen se si i është dashur që me fëmijët të flejë poshtë në bunker dhe më pas të udhëtoj prej 21 ditësh nga Ukraina në Poloni, Moldavi, Bullgari, Maqedoni dhe më pas në Shqipëri.
Shtetasja ukrainase ka ardhur e vetme pasi burri i saj është ende ushtar aty . Shprehet e friksuar për jetën e tij. Anzor Popov është shtetasi, i cili i ka mirëpritur në Shqipëri. Ai ka blerë shtëpi këtu dhe ka prej një viti e gjysëm që jeton në vendin tonë.
Popov tregon se si paraqitet situata në Ukrainë teksa në atdhe ka ende nënën e tij dhe shumë të afërt, të cilët po jetojnë në bodrume për shkak të luftës.
E ka të pamundur që ti marri familjarët në Shqipëri për shkak se aeroportet dhe asgjë nuk punon në Ukrainë. Deri tani mendohet se janë rreth 3 milionë ukrainas që janë larguar nga vendi për t’i shpëtuar luftës që po zhvillohet në vendin e tyre.
