Stadiumi portret “Maracana” i Brazilit do të emërohet në nder të futbollistit legjendar të vendit Pele. Ky vendim pason një votim nga legjislatura e shtetit Rio de Janeiro për të ndryshuar emrin e vendit në stadiumin Edson Arantes do Nascimento – Rei Pele.
Edson Arantes do Nascimento është emri i plotë i 80-vjeçarit, ndërsa Rei do të thotë mbret në portugalisht. Guvernatori i shtetit i Rio de Janeiro duhet të miratojë ndryshimin e emrit përpara se të bëhet zyrtar. Pele, i cili fitoi tre Kupa Botërore si lojtar për Brazilin, shënoi golin e tij të 1000-të në stadium në 1969 kur luajti për Santos kundër Vasco da Gama.
Maracana mbajti finalet e Kupës Botërore 1950 dhe 2014, si dhe ceremoninë e hapjes së Lojërave Olimpike 2016. Më shumë se 200,000 spektatorë raportohet se kanë qenë në stadium për të parë Uruguajin duke mundur Brazilin në finalen e vitit 1950, megjithëse kapaciteti i tij tani është 78,838.
Këtë kërkesë e komentoi dhe Andre Ceciliano, i cili është anëtar në asamblenë legjislative të Rios. “Pele është lojtari më i mirë i të gjithë kohërave. Ai na përfaqëson ne dhe është simbol i Brazilit. Nuk ka asnjë dyshim që Maracana do të vazhdojë të quhet e tillë, pasi të gjithë e dimë luftën që bëri gazetari Mario Filho për ndërtimin e impiantit”, përfundon braziliani.
