Një ngjarje shumë e rëndë ka tronditur sot sportin, ku një futbollist i ri veëm 14 vjeç ka humbur jetën në fushë.
Lojtari i ri ka ndërruar jetë si pasojë e një ataku kardiak të ndodhur gjatë ndeshjes Pyrenees- Atlantiques, të dyja skuadra franceze të të rinjëve.
Sipas Qendrës së Ndihmës së Shpejtë vdekja e minorenit ka ardhur menjëherë pas një sulmi në zemër dhe nuk kishte më asgjë çfarë ata mund të bënin.
Lajmin e tmerrshëm e ka bërë të ditur vet klubi ku 14-vjeçari luante përmes një statusi në rrjetin social Facebook, ku ndër të tjera shkruhej:
“FC Lescar është në zi, një nga lojtarët tanë vdiq këtë mëngjes në fushën e lojës”.
Sipas raportimeve mësohet se loja është ndërprerë, ndërkohë që të dyja skuadrat kanë deklaruar se në vijim të ndeshjeve mes tyre, loja do të paraprihet për një minutë heshtje në nderim të lojtarit të ri.
