Sekretari i Përgjithshëm i Partisë Demokratike ka thënë se ditën e nesërme PD do të depozitojë ditën e nesërme tre amendamentet kushtetuese, të cilat i prezantoi Lulzim Basha disa ditë më parë.
Një nga amendamentet ka të bëjë me vettingun e politikanëve, ndërkohë amendamenti tjetër ka të bëjë me zhbërjen e ndryshimeve kushtetuese të 30 qershorit. Amendamenti i tretë ka të bëjë reformën territoriale.
Bardhi tha se ka ardhur momenti që në institucionet e larta shtetërore të të ketë persona që nuk janë të lidhur me krimin dhe nuk janë të korruptuar.
“Grupi parlamentar i PD dje vendosi që gjatë javës të depozitojë disa amendamente kushtetuese; spastrimi i politikës nga të korruptuarit, rikthimi i legjitimitet të zgjedhjeve, përmes ndryshimeve kushtetuese dhe një reformë të re territoriale. Sot autorizoi anëtarët e Komisionit të Ligjeve për të finalizuar amendamentet. Sot u ra dakord për të gjitha çështjet nga grupi se këto çështje që nuk janë çështje për PD, por në interes të shqiptarëve. Ka ardhur momenti që të sigurohet që në institucionet më të larta shtetërore të kemi persona të palidhur me krimin dhe nuk janë të korruptuar. Nesër do të njiheni dhe me propozimet tona të plota. Grupi i punës sot ka autorizuar depozitimin e amendamenteve nesër”, ka thënë Bardhi.
