Prokuroria e Posaçme ka thirrur këtë të hënë ish-kryebashkiakun e Durrësit, Vangjush Dako, për t’u marrë në pyetje lidhur me dosjen e ish-deputetit Jurgis Çyrbja.
Mësohet se Dako do të pyetet në lidhje me emrin që ky i fundit ka propozuar për t’u përfshirë në listën e PS-së gjatë zgjedhjeve të fundit parlamentare, ku ai fitoi mandatin e deputetit.
Hetimet e reja tregojnë se Dako mund të ketë rol të rëndësishëm edhe në çështjen Çyrbja, për të cilën SPAK po mbledh prova shtesë.
Kjo thirrje vjen pas dënimit të Dakos nga GJKKO me 4 vite burg për korrupsion dhe shpërdorim detyre. Me përfitimin nga gjykimi i shkurtuar, dënimi i tij u reduktua në 2 vite e 8 muaj.
Dako akuzohet për dy raste specifike:
•Ndërtimi i një pallati në Durrës që u shemb nga tërmeti i vitit 2019, ndërtim i cili dyshohet se përfitoi leje në mënyrë të parregullt.
•Një tender për ndërtimin e një shëtitoreje gjatë viteve 2014-2015, që i shkaktoi buxhetit të shtetit një dëm prej 18 milionë lekësh.
Dako u arrestua në qershor 2023 me urdhër të SPAK, por u lirua në shkurt 2024, pasi Prokuroria e Posaçme nuk përfundoi hetimet në kohë. Në korrik, gjykata pranoi kërkesën e tij për gjykim të shkurtuar, duke i reduktuar ndjeshëm dënimin.
Hetimet e reja tregojnë se Dako mund të ketë rol të rëndësishëm edhe në çështjen Çyrbja, për të cilën SPAK po mbledh prova shtesë.
