Prokuroria e Posaçme ka sekuestruar së fundmi HEC-in “Drita”, i cili rezulton të jetë në pronësi të ish-zyrtarit të lartë të policisë, Erzen Breçani dhe i familjarëve të tij.
Gjatë hetimit pasuror për Breçanin është vërejtur nga SPAK se Eralb Breçani, djali i ish-zyrtarit të lartë të policisë rezulton se është administrator i hidrocentralit “Drita” në Tropojë, që ndodhet në lumin e Gashit në Valbonë.
Poashtu njoftohet se edhe Ervin Matës i janë sekuestruar llogari bankare, automjete si dhe janë duke vijuar hetimet për prona të tjera në emër tyre të apo familjarëve.
Sot në Apelin e Posaçëm, do shqyrtohej ankimi që kanë bërë avokatët e personave të akuzuar, lidhur me kundërshtimin e sekuestros, por seanca është shtyrë. SPAK bën me dije se po vijojnë hetimet për pronat e tjera që mund të jenë fshehur nga të akuzuarit duke përdorur persona të tjerë.
Kujtojmë se Erzen Breçani dhe Ervin Mata janë zbuluar nga aplikacioni SKY, si pjesë e një grupi të organziuar kriminal.
