Kreu i SPAK-ut, Altin Dumani, ka reaguar ndaj akuzave që pretendojnë se institucionit që ai drejton i diktohet një agjendë politike dhe se ndjek një grafik të përcaktuar në hetimin e çështjeve të ndjeshme që përfshijnë figura të larta politike.
Në një intervistë për emisionin “3D” të Alban Dudushit, Dumani theksoi se SPAK vepron në mënyrë të pavarur dhe të paanshme, duke shtuar se vendimet dhe veprimet e institucionit nuk bazohen në emocione apo ndikime politike.
Një pjesë të dosjeve i kam pasur në hetim edhe pa marrë drejtimin e SPAK-ut. Një nga premtimet që kam bërë në KLP ka qenë se do të vijoja të hetoja çështjet që kam pasur në hetim. Ka dhe çështje të tjera që kanë çuar në zgjerimin e grupit të hetimit. Të gjithë prokurorët dhe stafi kanë kontribute.
Pavarësisht akuzave, kemi dhënë prova se nuk kemi agjendë politike, apo grafik se sot do hetojmë një person të këtij subjekti politik, e nesër dikë të një subjekti tjetër politik. Në merremi me provat. Këtë kemi bërë dhe do ta bëjmë.
SPAK-u është i pavarur nga politika dhe këtë ja jep Kushtetuta dhe ligji. Prokurorët ushtrojnë funksionet e tyre të larguar nga politika. Reagimet e mija janë institucionale dhe jo emocionale. Kam kompetenca, por ato janë të reduktuara në raport me prokurorët e çështjeve.”, tha Dumani.
