Ditën e sotme, Prokuroria e Posaçme Anti-Korrupsion, pushoi çështjen ndaj tre gjyqtarëve, që shpëtuan Dritan Dajtin nga burgimi i përjetshëm.
SPAK nuk gjeti elementë të veprës penale, për të vërtetuar akuzat për korrupsion.
Treshja e gjyqtarëve që dënuan me 25 vite Dajtin, duke pranuar gjykimin e shkurtuar, përbëhej nga Skënder Damini, Petrit Aliaj dhe Aleks Nikolli.
Sipas “Balkanëeb”, Gjykata e Posaçme ka rrëzuar SPAK-un, dhe dosja është kthyer për rigjykim.
Tashmë pritet vendimi i SPAK, nëse do të ndryshojë apo jo qëndrim në lidhje me këtë çështje.
Gjatë marrjes në pyetje, tre gjyqtarët kanë mohuar përfshirjen në veprimtari kriminale, ndërsa shtojnë se vendimi është marrë në zbatim të ligjit, pa qenë të kërcënuar.
Gjykata e Shkallës së Parë për Krime të Rënda, e kishte dënuar me burgim të përjetshëm Dajtin, për vrasjen e Fatos Xhanit, Sajmir Duçkollarit, Altin Dizdarit dhe Kastriot Feskajt.
Gjithashtu gjatë të shtënave, u plagosën Ledii Mara, Fatjon Shamku dhe vetë Dajti.
Pas shtyrjes së disa seancave, Dajti arriti që t’i shpëtonte burgut të përjetshëm në Apel.
