Pas marrjes së detyrës, Arben Kraja, drejtuesi i Prokurorisë së Posaçme Antikorrupsion, duhet të zgjedhë së shpejti drejtuesin e një tjetër institucioni, atë të Byrosë Kombëtarë të Hetimit.
Kjo strukturë do të ketë nën përbërje 60 OPGJ(Oficerë të Policisë Gjyqësore), të cilët do të kalojnë edhe në makinën e së vërtetës.
SPAK-u ka nisur shqyrtimin e dosjeve të para, që do të hetohen prej saj.
Ndër çështjet më të rëndësishme është zgjedhja e kreut të Byrosë Kombëtare të Hetimit.
Sipas RTV ORA, Arben Kraja është duke nxjerrë aktet ligjore për këtë procedurë, të cilat do të bëhen publike së shpejti, ku do të hapet edhe gara për kandidimin për kreun e BKH.
Byroja Kombëtare e Hetimit do të jetë struktura mbështetëse e Prokurorisë së Posaçme Antikorrupsion, që do të hetojë korrupsionin në nivelet më të larta të zyrtarëve, por dhe veprat që janë kryer nga grupet e strukturuara kriminale.
Kjo strukturë do të përbëhet nga një drejtor dhe një ekip oficerësh të policisë gjyqësore.
