Sot Prokuroria e Posaçme Kundër Korrupsionit i ka dërguar kërkesë Kuvendit për arrestimin e Sali Berishës, ku kërkon që ai të arrestohet për çështjen e privatizimit të ish-klubit sportiv Partizani.
Edhe më parë, ish-kryeminsitri ka qenë nën hetim dhe ndaj tij SPAK kishtë vendosur masat e sigurisë “detyrim për t’u paraqitur” si dhe “ndalim të daljes jashtë shtetit”.
Pas këtij lajmi ka reaguar publikisht Berisha, i cili mbajti një konferencë për mediat në selinë blu dhe dha përgjigje edhe për kërkesën e SPAK.
Ai tha se tashmë është në dorë të Parlamentit që të vendosë nëse duhet që Berisha të arrestohet apo jo, ndërsa theksoi se nuk do shmanget nga vendimi për arrestimin.
Ndër të tjera tha se kjo është e gjitha një lojë e Ramës.
“Çfarëdo lloj vendimi do ta respektoj. Parlamenti të vendosë kë dojë. Unë kam vendosur në vitin 2012 që i jep disa atribute deputetit. Po e vendosi Parlamenti, unë jam dakord. Nëse gjykata kushtetuese vendos unë do ta zbatoj. Një vendim 100% i zbatueshëm.
Kjo është e gjitha e Edi Ramës. Unë e kam thënën 100 herë që jam pa asnjë kusht për hetimin, sepse e kemi hequr nga Kushtetuta hetimin. Nuk mund të kem dy qëllime, atë që mendoj për vete e mendoj edhe për të tjerët.
Është tjetër gjë a është i drejtë apo jo, por asnjë lloj shmangie nuk do ketë. Në këtë kontekst në qoftë se Parlamenti pranon këtë vendim të paligjshëm, është përgjegjësia e tij, unë do përputhem me veprimet e gjyqësorit”, u shpreh Berisha.
