SPAK ka shpallur pretencën për ish-kryebashkiakun e Himarës, Jorgo Goron, duke kërkuar 3 vjet burg për të, për akuzat e shpërdorimit të detyrës dhe tjetërsimit të provave.
Prokurori i çështjes, Olsi Dado, ka kërkuar që Jorgo Goron të deklarohet fajtor për shpërdorim detyre dhe fshehje pasurie. Për dy ish-zyrtarët e tjerë të bashkisë, Jerasimo Basho është kërkuar një dënim prej 3 vitesh burg, ndërsa për Vezir Gjikokaj 2 vjet burg. SPAK ka kërkuar gjithashtu konfiskim pasurie.
Ish-kryebashkiaku i Himarës, Jorgo Goro, u arrestua për shpërdorim detyre në bashkëpunim me tjetërsimin e një sipërfaqeje toke në fshatin Gjilekë të Dhërmiut, e cila aktualisht është nën sekuestro nga Gjykata e Posaçme.
Kjo sipërfaqe prej rreth 10 mijë metrash katror është sekuestruar nga SPAK, dhe si përfitues fundor është identifikuar ish-deputeti Artan Gaçi.
Jorgo Goro u arrestua në mars të vitit të kaluar pas një kallëzimi të depozituar nga Fredi Beleri.
Për të njëjtën çështje, do të gjykohet edhe ish-kreu i Kadastrës së Vlorës, Bilbil Aliaj, i cili është në masën e sigurisë “detyrim paraqitje”, si dhe ish-juristi Vezir Gjikoka, i cili ndodhet në masën “arrest në shtëpi”.
