Çështja e inceneratorëve është në fokusin e drejtësisë dhe opozitës, pasi me to janë bërë afera të mëdha korruptive.
SPAK ka firmosur urdhër arreste për çështjen e inceneratorëve.
Policia po kryen arrestimet pas urdhër arresteve nga SPAK.
Mësohet se operacioni është në vijim dhe se deri më tani janë 9 urdhër arreste, njëri prej tyre ish-administrator i një kompanie, Florian Muça.
Komsioni Hetimor për Ineceratorët vendosi përballë përgjegjësisë disa nga figurat më të rëndësishmë të politikës, të implikuar në këtë çështje.
Ndërkohë që pas dëshmive të dhëna lidhur me aferën e inceneratorëve, kryetarja e Komisionit Hetimor Jorida Tabaku bëri me dije se Komisioni vërtetoi se procedurat për inceneratorët ishin korruptive, ndërsa sipas saj dëshmitarët nuk mbanin mend se çfarë kishte ndodhur.
“U provua se kontratat ishin korruptive. Opozita zbuloi një nga aferat më të mëdha që nuk ka filluar dhe nuk mbaron me Lefter Kokën. Çdo ministër që ka dhënë para është përgjegjës”, tha më tej Tabaku.
Nënkryetarja e PD, Jorida Tabaku gjithashtu më herët ka dorëzuar padinë në SPAK për inceneratorët dhe i ka bërë thirrje këtij institucioni të mos ndajë dosjet, por të ketë një hetim të vetëm.
Po ashtu Tabaku tha se Edi Rama po trajton inceneratorët dhe pronarët e tyre njësoj si pensionistët
