Prokuroria e Posaçme ka dërguar për gjykim deputetin Plarent Ndreca dhe 16 ish-zyrtarë të Ministrisë së Brendshme, të akuzuar për shpërdorim të detyrës gjatë procedurave të prokurimit në vitin 2019.
Hetimet kanë zbuluar se zyrtarët manipuluan tenderët për rikonstruksionin e komisariateve, duke favorizuar një kompani të caktuar dhe shkaktuar dëme financiare për shtetin në vlerën 34 milionë lekë.
Dosja përfshin dy procedura prokurimi të llojit “Konkurs Projektimi” dhe “Negocim pa shpallje paraprake të njoftimit të kontratës”. Zyrtarët akuzohen për shkelje të ligjit të prokurimeve publike, duke mundësuar fitimin e tenderit nga një kompani që nuk plotësonte kriteret ligjore.
Seanca paraprake do të zhvillohet në Gjykatën e Posaçme të Krimit të Organizuar.
Shënim për gazetarët:
1. Procedimi penal nr 240, viti 2021.
2. Dy procedurat e prokurorimit të llojit “Konkurs Projektimi” zhvilluar në dy faza, më dt 26.09.20219 dhe 24.12.2019 dhe “Negocim pa shpallje paraprake të njoftimit të kontratës”, zhvilluar më 30.12.20219.
3. Katër objektet policore: Drejtori Vendore Policie + Komisariat Vlorë, Komisariati Policisë nr. 4 Tiranë, Komisariati Policisë Pogradec, Komisariati Policisë Mirditë Rrëshen).
4. Kontrata e nënshkruar më 31.12.2019, për dy objekte: Drejtori Vendore + Komisariat Vlorë dhe Komisariat i Policisë Rrëshen.
