Sot ka hyrë në fuqi Amnistia Penale në të cilën 700 persona do të lirohen nga burgjet, ndërsa 400 të dënuar të tjerë do të përfitojnë ulje të dënimeve të tyre. Kjo amnisti ka si qëllim të ulë popullsinë e të burgosurve dhe të lehtësojë sistemin penitenciar.
Megjithatë, një problematikë ka dalë në pah në burgun e Fushë-Krujës. Pavarësisht që nga amnistia duhet të përfitonin edhe 30 të burgosur të tjerë atje, këta persona janë penalizuar për shkak të një vonesë procedurale. Në veçanti, vendimet e nevojshme që duhet të zbardheshin nga prokurorët nuk janë përpunuar në kohë. Si rezultat, këta 30 të dënuar nuk kanë mundur të lirohen sot dhe mund të përfundojnë duke u drejtuar në gjykata për të kërkuar përfitimin nga amnistia.
Ky problem solli shqetësime shtesë për të dënuarit dhe familjet e tyre, të cilët presin që vendimet administrative dhe ligjore të zbatohen me efikasitet dhe drejtësi.
Kujtojmë se Amnistia Penale u shoqërua me debate të shumta, duke përfunduar në marrëveshje mes pozitës dhe opozitës pasi dakordësuan pazarin.
