Për Kosovën 14 dhjetori do të jetë një ditë e shënuar, pasi do të votohet për formimin e Ushtrisë. Kuvendi i Kosovës do të mbajë sot në orën 10:00 seancën plenare, ku do të votohen tri projektligjet për transformimin e Forcës së Sigurisë së Kosovës në Ushtri, Projektligji për Ministrinë e Mbrojtjes, Projektligji për Forcën e Sigurisë së Kosovës si dhe Projektligji për shërbim në Forcën e Sigurisë së Kosovës.
Kjo forcë do të jetë në mbrojtje të sovranitetit dhe integritetit të vendit, ndërsa tashmë Ushtrisë do t’i nevojiten kapacitete të reja njerëzore, infrastrukturore si dhe pajisje tjera.
Transformimi i tërësishëm i FSK-së në ushtri është një proces që mund të zgjasë 7-10 vite. Disa ditë më parë nga Amerika në Kosovë, arritën 24 automjete ushtarake “Humvee”, që i kushtuan buxhetit të Kosovës rreth 7 milionë euro. FSK do të marrë edhe 27 automjete të tjera “Humvee”, të cilat janë donacion nga Ushtria Amerikane.
Serbia ishte kundër këtij vendimi dhe në media shkruhej ditët e fundit se ishte shumë e frikësuar.
