Ambasadori i Bashkimit Evropina, Luigi Soreca me anë të një postimi në rrjetet sociale ka shprehur mbështetjen e tij ndaj shqiptarëve në luftën me armikun e padukshëm. Soreca ka shprehur mbështetjen e tij ndaj shqiptarëve duke thënë se do ta kalojmë se bashku pandeminë e COVID-19. Soreca përmes një postimi në rrjetin e tij social Twitter shprehet se BE do të jetë gjithmonë krah Shqipërisë në luftën antikovid dhe do të dërgojë çdo javë doza të vaksinave.
“Skuadra evropiane do të ndihmojë shqiptarët në “luftën” me COVID-19 duke vazhduar me më shumë doza të vaksinës Pfizer çdo javë.
Ne do të kalojmë se bashku pandeminë!
Së bashku më të fortë!”, shkruan Soreca në Twitter.
Kujtojmë se mbrëmjen e djeshme, në vendin tonë mbërritën 11.700 doza të vaksinës Pfizer, një donacion nga Bashkimi Evropian. Gjithashtu në fjalën e mbajtur në parlament, ministrja e Shëndetësisë, Ogerta Manastirliu bëri me dije se në vend pritet të mbërrijnë edhe 100 mijë doza të vaksiëns kineze që tashmë është e miratuar nga OBSH. Ndër të tjera Manastirliu tha se deri tani janë bërë më shumë se 836 mijë vaksinime në të gjithë vendin.
Kujtojmë që vaksinimi në vendin tonë ka nisur që prej muajit janar, ndërsa në muajin mars filloi masivisht. Vaksinat që përdoren në vendin tonë janë Pfizer, AstraZeneca, Sinovac dhe Sputnik V.
