Vdekja tragjike e George Floyd shkaktoi zemërim në mbarë botën, ku të shumta ishin protestat në nder të tij.
Demonstruesit i vunë flakën komisariatit të policisë në Minneapolis, duke shkatërruar gjithçka, por jo vetëm kaq.
Ditën e djeshme protestat nuk u pritën aspak mirë nga policia, ku shumë persona mbetën të lënduar.
E ndërsa sot protestat kanë ulur ritmin e tyre dhe e gjithë policia është solidarizuar me vdekjen e padrejtë dhe brutale të Floyd.
Mbrëmjen e djeshme një efektiv policie hoqi uniformën e tij dhe iu bashkua protestuesve.
Kjo gjë u pa të bëhej në masë nga ana e tyre, duke përfshirë New Jersey, Misuri, Miçigan, Miami, Flint, ku policët janë përulur në gjunjë në shenjë respekti dhe i janë bashkuar demonstruesve, të cilët protestonin në emër të Floyd.
Gjesti i tyre është bërë viral në mediat sociale dhe është përshëndetur nga njerëz të shumtë.
Kujtojmë këtu se Floyd u mbajt për shumë minuta i shtrirë përtokë, ku oficeri i policisë i vendosi me forcë gjurin e tij në zverk, derisa ai ka ndaluar së marri frymë.
