E prisnim dhe më në fund erdhi! Tre reperët më të dashur bashkuan fuqitë dhe sollën hitin më të ri.
Lyrical Son, Ledri Vula dhe Mc Kresha bashkëpunuan për këngën e publikuar sot “Menemadhe” dhe mund të themi që na fiksoi që me dëgjimin e parë.
Thelbi i këngës lidhet me realitetin shqiptar (dhe jo vetëm) të ditëve të sotme: Mashkulli që është i lënduar nga ndarja me një femër që e ka zhvatur.
Tekstin e këngës e kanë realizuar tre reperët dhe nuk do të ishte aspak çudi nëse mund të jetë e bazuar në historitë e tyre personale.
Që në fillim të këngës, fjalët e Lyrical Son janë këto:
“Ti menon që munësh damas/ Po s’munësh as tanga me ble pa mu/ Le mo Louis e ksi gjana/ Për ty jon tema t’rana m’i bo pa mu”.
Ndërsa disa nga fjalët e MC Kreshës janë:
“Ki me lypë, ti me hypë, n’kët’ Porsche/ Si me ty, si pa ty, për mu krejt’ njejtë/ Ty t’ka prish’ fama e darkat/ Me paret e mia”.
Në videoklip tre reperët shfaqen në një nga plazhet shqiptare, ndërsa tërheq vëmendjen edhe modelja e përzgjedhur.
Tani, le t’i bëjmë pafundësisht “replay”!
Burimi: Iconstyle.al
