Do bojkotojmë mësimin në vitin e ri akademik nëse nuk plotësohen kërkesat tona! Kjo është thirrja e disa studentëve të cilët janë nismëtarë të një peticioni ku kërkojnë ndihmë financiare nga qeveria.
Një nga studentët që po dorëzonin peticionin në kryeministri u shpreh se Tirana është shpallur kryeqyteti europian i rinisë, por në fakt po boshatiset nga të rinjtë. Ai u shpreh se studentët kanë nevojë për ndihmë financiare nga qeveria.
“Kemi bërë një tentativë për t’i tërhequr vëmendje zotit kryeministër. Shpesh herë, siç e thatë dhe ju, kryeministri nuk i merr parasysh kërkesat. Organizon borde fiktive, që mund të vihen në dyshim nëse janë të sakta. zërin e studentëve e kemi parë gjithmonë se sa sukses kanë. Këtë vit bëhet dhe më e vështirë, pasi janë rritur çmimet e shportës.
Tirana, kryeqyteti evropian i rinisë po i dënon të rinjtë, po i largon duke mos i siguruar asgjë. Kjo nismë e jona është për t’i tërhequr vëmendje kryeministrit, seku ndodhemi ne. është nismë ligjore, jo radikale. Mund të kemi dhe organizime të tjera. Do bëjmë dakord me të tjerët, por në rrugë ligjore do dorëzojmë peticionin e mbi 6 mijë studentëve. Ka dy javë që është nisur peticioni. Është e pamundur që të nisë viti akademik këtë vit. Xhepat e studentëve janë bosh. Duke ditur falangat e Kryeministrisë dhe zjarrshuesit e protestave që i ka gjithmonë të tij në dispozicion, do ketë tentativa për protesta. Fillimisht është pak largpamëse që mund të ketë një dhjetor të tretë, por mos u ngatërroni kurrë me studentët në dhjetor.”, tha studenti.
