Einxhel Shkira është padyshim një nga moderatoret më simpatike të ekranit shqiptar.
Prej disa kohësh atë e kemi parë në programin “E Diell”, mirëpo si nisi eksperienca e saj në televizionin “Top Channel”?
Përgjatë një interviste për “Panorama” ajo është shprehur se ofertën për t’u bërë pjesë e stafit ia ka bërë Edi Manushi.
“Pushoja aq shumë gjatë javës sa kur vinte e diela më ishin mërzitur të gjitha, e më punohej (qesh). Përtej shakave, kjo ishte një ofertë që Edi Manushi nuk më la asnjë opsion për ta refuzuar dhe jam e lumtur që e mora këtë vendim, sepse po e shijoj të dielën më shumë se kurrë! E parë nga jashtë bota e televizionit është shumë më e lehtë dhe më e bukur. E jetuar nga brenda është shumë e lodhshme dhe e vështirë, por kënaqësia që të jep ia vlen të sakrifikosh ca ditë të lodhshme e netë pa gjumë!”- ka pohuar Einxhel.
