Një shqiptar është përplasur me policinë italiane.
Ngjarja ka ndodhur në Teramano, ku gjatë përplasjes ka patur shkëmbim zjarri.
Dyshohet se ai ka grabitur një makinë tip “Toyota Yaris” në një kazino më 23 janar.
Pasi ka marrë vesh ngjarjen, policia ka rënë në gjurmët e tij në zonën L’Arcobaleno në Colonella.
Pasi ka vënë ré policinë, ai ka filluar të qëllojë kundër tyre.
Fillimisht makina doli jashtë rruge.
Drejtuesi doli nga makina dhe po vraponte drejt një zone të pabanuar.
Ndërkohë, vijonte të qëllonte ndaj karabinierëve.
Edhe këta të fundit i janë kundërpërgjigjur, por, fatmirësisht, nuk mbeti asnjë i plagosur.
Por shqiptari nuk dorëzohej.
Ai pa nga larg një motor skuter, hipi mbi të dhe më pas është arratisur sërish.
Ndërkohë, policia vijinte ta ndiqte.
Më pas, ai ka rrëmbyer një Mercedes Benz duke kërcënuar me pistoletë dy persona.
Kështu, ai i shpëtoi karabinierëve duke krijuar një skenë si nëpër filma.
Policia italiane ka vënë forca të shumta në ndjekje të tij.
