Në këtë prag Halloween-i kryeqytetet botërore, por jo vetëm, kanë marrë një pamje festive.
Kudo nëpër rrugë mbizotëron hareja dhe të qeshurat, paçka që bota është ende e “mbërthyer” nga pandemia e COVID-19.
Festa, traditë e amerikanëve po festohet edhe në Britani të madhe.
Atje të rinjtë janë veshur në mënyrë të frikshme dhe kanë festuar me alkool. Në pamjet e publikuara nga mediat britanike, nuk munguan as skenat erotike.
Po çfarë është Halloween?
Emri i Halloween është interpretimi modern i All Hollows’ Eve të Irlandës, apo Dita e të gjithë Shenjtorëve. Kjo festë tepër e lashtë mbërriti në SHBA së bashku me emigrantët irlandezë dhe hodhi rrënjë për të vuajtur tani një transformim radikal.
Dita e 31 tetorit kur dhe festohet Halloween shënon fundin e Vitit të Keltëve dhe besohet të jetë dita kur shpirtrat e atyre që kanë vdekur vitin e mëparshëm do të kthehen për të zënë vend në trupin e një të gjalli.
Pikërisht për këtë arsye, njerëzit veshin kostume të frikshme për t’i trembur. Ekzistojnë versione të ndryshme të traditave të Halloween-it, por origjinën e vërtetë e gjejmë në festivalin antik të keltëve të njohur si Samhain.
Në Skocinë e vjetër mendohej se ishte pikërisht nata e 31 tetorit, kur nuk kishte më kufi mes botës së të gjallëve dhe të vdekurve.
Legjenda thotë se shpirtrat që kishin vdekur gjatë atij viti mblidheshin së bashku për t’u përzier me botën e të gjallëve dhe më pas për të nisur rrugën drejt një bote tjetër.
