Është arrestuar në Dubai Amant Josifi, ish-këshilltari Olta Xhaçkës kur kjo e fundit drejtonte ministrinë e Mbrojtjes. Ai mësohet se ishte shpallur në kërkim nga Spanja për skema mashtrimi me ‘call centers’. Kujtojmë se më 8 dhe 9 nëntor të vitit të kaluar, SPAK në bashkëpunim me Eurojust dhe Europol, bastisi 6 qendra ‘call center’ telefonike në Shqipëri të lidhura me “Milton Group” dhe arrestoi 4 të dyshuar. Aokohe nga hetimet doli se këto qendra që përdoreshin për mashtrime ishin në pronësi të tre kompanive të lidhura me biznesmenin Amant Josifi.
Por për të arritur deri te emri i Amant Josifit dhe lidhjeve të tij me një nga skemat më të mëdha të mashtrimit telefonik, të njohur si Call Center, policisë spanjolle iu desh të hulumtonte miliona emaile të përdorura nga kompanitë në zotërim të tij. Sipas dokumenteve gjyqësore, pas tre kompanive kryesore mashtruese qëndron biznesmeni 33-vjeçar, Amant Josifi.
