Për Lazion duket se problemet me lojtarët nuk kanë fund. Lëndimi i rëndë i Luiz Felipe nuk ishte i mjaftueshëm, pasi tani ka filluar rehabilitimin në Monaco dhe nuk ka gjasa të jetë në gjendje të kthehet para fundit të kampionatit.
Tani edhe Strakosha po has një problem- sipas mediave italiane- ai rrezikon që të operohet në gju. Deri më tani problemet e portierit ishin lidhur së pari me Covid, pastaj zemërimi me ekipin dhe trajnerin pasi u la në stol për disa ndeshje radhazi. Tani problemi po bëhet serioz.
Lazio kishte menduar që ta shiste portierin shqiptar por tani bëhet praktikisht e pamundur për në janar.
Ndërkohë prej disa kohësh portieri i kombëtares shqiptare, Thomas Strakosha është përballur me momente të vështira.Prej disa kohësh ai nuk po gjen veten e tij te Lazio dhe në këtë mënyrë nuk po e shfaq dot veten ashtu siç duhet. Kjo e ka bërë portierin shqiptar që të mendojë për një ekip tjetër ashtu siç po mendon edhe Lazio.
Sipas mediave italiane, gazetari Nicolo Schira ka njoftuar se Lazio ka nisur përpjkjet bashkë me Romën për blerjen e Marco Silvestrit, portierit të Hellas Veronës. Klubi i Lazios mesa duket nuk ka ndërmend të këmbëngulë për ta mbajtur Strakoshën, por mund ta nxjerrë në shitje që në këtë verë për të marrë shifrën e dëshiruar nga ikja e tij, teksa kontrata aktuale përfundon në verën e vitit 2022.
