Kreu i Autoritetit Rrugor Shqiptar, Afrim Qendro është shkarkuar nga detyra.
Mësohet se në vend të Qendros do të jetë ish-ministrja e Shtetit për Mbrojtjen e Sipërmarrjes, Sonila Qato.
Qendro ka qenë një nga emrat e përfolur kohët e fundit, pas shpërthimit të skandalit me “DH Albania”, kompaninë që rezultoi fillimisht fituese e lotit të parë për projektin e “Unazës së re”.
Qendro, në dëshminë e parë në Prokurori, ka deklaruar se procedurat kishin qenë sipas ligjit dhe nuk nuk ndihej përgjegjës për skandalin.
