Ditën e djeshme u publikua një listë me të dhënat private të 600 mijë punonjësve në privat dhe publik, ku tregohej edhe numri i kartës së identitetit dhe vendi ku ata punojnë.
Pra kemi të bëjmë më publikimin e listpagesës së muajit janar 2021 të 600 mijë punonjëve shqiptarë. Nga analiza e dokumentit të shpërndarë në transfer del një user me emrin e Moza Seraj.
Përmes ‘userit’ të saj është krijuar ky file, por kjo nuk do të thotë domosdoshmërisht se është ajo personi që e ka publikuar listën, pasi vetë Mimoza Seraj rezulton se ka dalë në pension që në vitin 2019, por nuk dihet përse llogaria e saj ishte ende e aksesueshme në Drejtorinë e Tatimeve. Deri më tani, Prokuroria e Tiranës ka nisur hetimet duke regjistruar zyrtarisht edhe procedimin penal, por paraprakisht mendohet se lista është vjedhur në mënyrë manuale dhe nuk kemi të bëjmë me një sulm kibernetik.
Kujtojmë që nën hetim janë tre institucione: KSHI, ISSH dhe të Drejtoria e Tatimeve.
Gjithashti vlen për t’u përmendur edhe fakti se lista nuk i përmban të gjitha pagat, se shumë prej tyre janë modifikuar, më së fundmi më 6 prill 2021. Kjo pasi sipas sistemit të krijuar për mbrojtje të të dhënave, i aplikuar te Tatimet, asnjë prej inspektorëve të tatimeve nuk mund të shkarkojë më shumë se 1000 të dhëna në një veprim të vetëm.
Llogjikisht kuptojmë që për krijimin e këtij dokumenti janë dashur disa muaj, ndërsa janë fshirë 60.000 mijë taksapagues të tjerë, për arsye që nuk dihen.
