Ditën e sotme shkoi në 4 numri i personave të arrestuar për skandalin me publikimin e pagave. Gazetarja Klodiana Lala raportoi për “BalkanWeb” se Prokuroria e Tiranës i ka arrestuar për skandalin me publikimin e pagave.
Nga hetimi ka rezultuar se kanë nxjerrë nga sistemi listat ma pagat e 690 mijë qytetarëve.
Dy ditë më parë “BalkanWeb” raportoi se Zyrtarët e Agjencisë Kombëtare të Shoqërisë së Informacionit janë të dyshuarit kryesorë për skandalin e publikimit të listë pagesave të mbi 690 qytetarëve punonjës të administratës publike apo bizneseve private në vend. Burime të besuara pranë prokurorisë së Tiranës konfirmuan për News24 se kanë mundur të identifikojnë se cilët punonjës të AKSHI-t kanë pasur akses në sistem, ku kanë kopjuar dhe shpërndarë databazën e pagave.
Skandali thellohet edhe më shumë, përderisa prokuropria ka dyshime të forta se të njëjtët zyrtarë që shpërndarë në mënyrë të pautorizyar listapagesat e qytetarëve, më herët nxorën edhe databazen me të dhënat e qytetarëve të kryeqytetit, e njohur si dosja e patronazhistëve, ku krahas emrit mbiemrit dhe numrit të ID-së secili patronazhist shënonte preferencën politike të votuesit.
Kujtojmë se publikimi i listës së dytë me pagat e mbi 694 shqiptarëve të muajit prill 2021 mund të ketë zbuluar një prapaskene të papritur. Lista e pagave ishte e shoqëruar me një faqe tjetër të të njëjtit dokument ku ishin numra celulari personale të 900 mijë qytetarëve shqiptarë. Të ndikuar edhe nga fakti se numri korrespondonte me listën e publikuar para zgjedhjeve te prillit 2021, që u quajt ‘lista e patronazhistëve të PS’, por që u mohua nga kjo e fundit, Shqiptarja.com bëri një kontroll të disa gabimeve që ekzistonin që në listën e parë. Dhe na rezultoi se të njëjtat gabime me numrat telefonikë janë identike edhe në listën e publikuar sot. Pra, nëse numri telefonik i një personi ka qenë i gabuar në listën e patronazhistëve, është i gabuar edhe në database e sotme.
