Inspektoriati Kombëtar i Mbrojtjes së Territorit ka vijuar ditën e sotme aksionin në Radhimë, i shoqëruar nga forca të shumta policie.
Prishja është shoqëruar me tension situata në Radhimë të Vlorës ku pronarët e objekteve janë përleshur me policinë e cila së bashku me IKMT ka vijuar aksionin për shembjen e ndërtesave pa leje.
Avokatja e pronares italiane të hotelit i kërkoi IKMT që të ndalë aksionin e prishjes së banesave dhe t’i vendosë në dispozicion 30 ditë kohë për të ndjekur hapat ligjorë.“Nuk ka firmë të pronarit duhet të ketë nënshkrim për refuzim që të ketë refuzim dhe të ndiqen në gjyq. Janë disa të drejta që po shkelen. IKMT po ndërhyn pa lënë të drejtat për kohë dhe afat për të zhvendosur. Duhet të vijojë sipas procedurës së ligjshme. IKMT do të shembë hotelin e mbushur me turistë, të gjithë kanë pronotuar në këtë prag turizmi. Nuk u është lënë kohë as afat pronarëve për të hequr materialet. Turistët janë terrorizuar dhe janë alarmuar, zonja italiane është e demoralizuar, kërkojmë dëmshpërblim, të paktën 30 ditë duhet të ishte një afat komford rregullave për t’iu drejtuar instancave gjyqësore. Po bëjmë maksimumin që mos ketë ndërhyrje, mos humbin investiutiter të rëndësishëm”, tha avokatja.
