Emiliano Frroku, 28 vjeç ndërroi jetë mëngjesin e djeshëm pasi ra nga lartësia e një pallati në ndërtim e sipër në Shëngjin. Viktima ka qenë i pasiguruar në punë, ndërkohë që ndërtimet ishin duke u kryer në dy katet e fundit të pallatit që rezultojnë pa leje. (lexo këtu)
Mësohet se në momentin që është rrëzuar, Frroku ka qenë duke ngjitur vinçin në katet e fundit të pallatit, por fatkeqësisht është shkëputur dhe ka rënë në tokë bashkë me të.
Në lidhje me ngjarjen, janë shpallur në kërkim 4 persona, ndërsa vijojnë hetimet për të parë veprimet e IVMT, IKMT dhe policisë së shtetit për këtë ndërtim.
Burime nga policia bëjnë me dije emrat e personave të shpallur në kërkim: Leon Ndoci pronari i firmës, Martin Biba administrator, Loren Haxhia inxhinier dhe Hajriz Hoti shtetas kosovar që bente punimet.
