Masat kufizuese që qeveria ka vendosur për pandeminë duket se nuk vlejnë për të gjithë. Ka disa njerëz që ndihen shumë të privilegjuar t’i shkelin rregullat dhe shpëtojnë pa u ndëshkuar. Ndër këta njerëz është edhe Ermal Mamaqi, mik i ngushtë me kryeministrin Edi Rama dhe kryebashkiakun Erion Veliaj.
Një video që po qarkullon në rrjet tregon qartë se Ermal Mamaqi nuk ka frikë as nga virusi e as nga gjobat. Mamaqi, tashmë edhe i vetëshpallur biznesmen, shihet në një video ku kërcen në një ambient të mbyllur të mbushur më shumë njerëz e fëmijë ndërkohë që grumbullimi i më shumë se 10 njerëzve është i ndaluar si pjesë e rregullave anti- COVID. Ka qenë faqja “Lolita” ajo që e ka publikuar videon në Facebook duke shkruar:
“Auditoret e universiteteve i kanë mbyllur për shkak të kovidit, ama për trajnimet e Ermal Mamaqit nuk ka kovid”.
Para ligjit jemi të gjithë të barabartë, por disa janë më të barabartë se të tjerët. Ndërkohë që auditoret qëndrojnë mbyllur dhe studentët përballen me vështirësitë e mësimit online, Ermal Mamaqi nuk përmbahet nëpër grumbullime. Komiteti i Ekspertëve jo vetëm që nuk ka marrë masa, por i ka injoruar totalisht mundësitë për t’i rikthyer studentët në auditore me një plan masash. Mbase këta të fundit kanë mësuar nga Ermal Mamaqi që trumbeton me të madhe se të lexosh libra nuk ia vlen, por të suksesshëm mund të bëhemi duke ndjekur trajnimet dhe darkat e tij me biznesmenë që kushtojnë 24 mijë euro në vit.
Veç koncerteve të Ermal Mamaqit, nuk kanë munguar as grumbullimet me të rinjtë e FRESH që me sa duket janë imun në takimet e partisë. Por mbi të gjitha ka qenë Mira Rakacolli, kryetarja e Komitetit Teknik të Ekspertëve ajo që i ka thyer edhe vetë rregullat në takim partie.
https://web.facebook.com/watch/?ref=saved&v=406958950601030
Në pritje të një reagimi nga ana e Komitetit të Ekspertëve dhe masave ndëshkuese për Ermal Mamaqin, mik i politikanëve dhe oligarkëve, le të shpresojmë se të zgjedhurit taanë janë duke menduar dhe punuar fort për studentët.
