Ushtria belge është përfshirë në një skandal të madh lidhur me trafikun e armëve dhe drogës. Sipas medieve vendase, batalioni i katërt inxhinierik në Amay pranë Huy në Belgjikë është i përfshirë në këtë çështje. Ministri i Mbrojtjes, Ludivine Dedonder, dhe kreu i ushtrisë, Michel Hofman, njoftuan se një numër i madh ushtarësh nga ky batalion janë pezulluar nga detyrat e tyre për shkak të fakteve serioze që kanë dalë në dritë nga hetimet. Një nën-njësi e batalionit është shpërbërë, ndërsa disa anëtarë janë nën hetim për trafik armësh dhe krime të lidhura me drogën. Hetohet gjithashtu përdorimi i drogave brenda batalionit, si dhe trafiku i drogës me bandat shqiptare dhe çeçene. Kjo situatë përshkruhet si një skandal i madh dhe një ngjarje “ndoshta unike” në historinë e Mbrojtjes së Belgjikës. Hetimet janë duke u zhvilluar nën drejtimin e zyrës së prokurorit federal.
Rritet numri i të infektuarve me HIV në Kosovë: 10 raste të reja vetëm në pesë muaj
Vetëm gjatë pesë muajve të parë të vitit 2025, në Kosovë janë regjistruar dhjetë raste të reja të infektimit me...
