Në orët e vona të mbrëmjes së djeshme një ngjarje e rëdë ka ndodhur në spitalin “Nënë Tereza”. Pas një defekti në ashensor, barrelisti dhe pacientja janë bllokuar brenda, duke rrezikuar jetën e tyre.
“Më datë 15.05.2022, rreth orës 23:30, në spitalin “Nënë Tereza”, në katin -1, barrelisti shtetasi K. D., duke transportuar me barrelë shtetasen V. C., paciente në spital, për shkak të një defekti janë bllokuar brenda në ashensor”, thuhet në njoftimin e policisë. Ndërkohë që është nevojitur ndërhyrja e zjarrfikëses në mënyrë që të bëhej e mundur hapja e ashensorit.
Bëhet e ditur se barrelisti me inicialet K.D dhe pacientja me inicialet V.C kanë dëmtime dhe aktualisht ndodhen në spital, nën kujdesin e mjekëve.
Ndërkohë që grupi hetimor po punon për zbardhjen e plotë të rrethaneve të ngjarjes.
Njoftimi i Policisë së Shtetit:
Më datë 15.05.2022, rreth orës 23:30, në spitalin “Nënë Tereza”, në katin -1, barrelisti shtetasi K. D., duke transportuar me barrelë shtetasen V. C., paciente në spital, për shkak të një defekti janë bllokuar brenda në ashensor.
Me ndërhyrjen e zjarrfikëses është bërë e mundur hapja e ashensorit. Shtetasi K. D. dhe pacientja, shtetasja V. C., janë dëmtuar dhe ndodhen në spital, nën kujdesin e mjekëve.
Grupi hetimor po punon për zbardhjen e plotë të rrethanave të ngjarjes.
