Skandali i regjistrimeve të bizneseve në vendin tonë sa vjen duke u rritur. Sot është bërë me dije se klinika “Spledent” e mjekut Roland Xhaxho, në të cilën kreu ndërhyrje 3-vjeçari Brian Spahiu që më pas ndërroi jetë nuk kishte licencë për klinikë dentare.
Sot është publikuar një dokument ku rezulton se vajza e doktorit, Ina Xhaxho e cila është përfaqësuese e subjektit, i është refuzuar licenca 6 herë.
Mësohet se ajo u pajis me licencë vetëm 1 muaj pasi 3-vjeçari, Brian Spahiu ndërroi jetë pas ndërhyrjes në klinikën dentare.
Familjarët e të miturit kanë zbuluar se klinika aplikoi për tu pajisur me licencë, më 13 tetor, 2 javë pasi Brian kishte ndërruar jetë.
Ndërkohë, vetëm një ditë më pas Inspektoriati Shtetëror Shëndetësor i kishte shkuar për inspektim, dhe kur zbuloi se klinikës i mungonte licenca për shërbime mjekësore e stomatologjike, vendosi masë administrative.
