Sizmiologët kroatë kanë vënë në dukje se rajoni i Ballkanit është në kulmin e aktivitetit. Kujtojmë se po atë ditë që ra tërmeti në Kroaci, toka u lëkund edhe në Korfuz të Greqisë dhe një tërmet tjetër ra edhe në Verona të Italisë.
Sizmologia Slavica Radovanoviç ka thënë se Ballkani mbetet i rrezikuar nga lëkundjet sizmike të tokës.
Në një intervistë për një televizion kroat, sizmiologia është shprehur se në fillim të vitit 2021 nuk do të ketë lëkundje më të fuqishme, se sa ajo që ndodhi në Kroaci.
“Gjatë viteve të ardhshme do të shihet se në cilin drejtim do të lëviz ky proces. A do të shkoj drejt Alpeve apo drejt pjesës qendrore të Bosnjë-Hercegovinës apo paralelisht drejt Serbisë dhe Dalmacisë. Tani për tani nuk e dimë këtë, sepse bëhet fjalë për një aktivitet multi fraktal sizmologjik”,- u shpreh Radovanoviç.
Tërmeti në Kroaci fatkeqësht shkaktoi 7 viktima, mbi 20 të plagosur dhe dëme të shumta materiale.
Qendra Europiane e Sizmiologjisë së Mesdheut (EMCS) njofton, se epiqendra e tërmetit ka qenë pikërisht përreth qytetit Petrinja 45 km në juglinde të Zagrebit. Sipas mediave spitalet në Petrinja dhe në kryeqendrën e rajonale Sisak janë dëmtuar rëndë prej tërmetit.
Sllvenia për shkak të tërmetit ka nxjerrë përkohësisht jashtë funksionit Centralin Bërthamor Krsko, sipas agjencisë sllovene të lajmeve STA. Ky central ndodhet fare pranë kufirit me Kroacinë. Ndërprerja e funksionimit në raste të tilla emergjence është një ndërhyrje standard për siguri, bëhet ditur.
Ky ishte tërmeti i dytë në Kroaci brenda 30 orëve. Të hënën (28.12) vendi pati lëkundje sizmike të forcës 5,2 dhe 5 ballë. Në mars një tërmet prej 5,4 ballësh shkaktoi dëme të rënda në Zagreb. Një i ri ndërroi jetë dhe duzina njerëz u plagosën.
