Ekipi i Vllanzisë duket se është në rrezik nga përhapja e COVID-19 dhe rasteve pozitive të konfirmuara deri më tani.
Para pak ditësh njoftuam se ishte infektuar me koronavirus kapiteni i këtij ekipi Erdenis Gurishta ndërsa sot ka rezultuar pozitiv një tjetër lojtari i radhës. Sërish në prapavijën e ekipit kuqeblu dhe nga Shkodra vjen lajmi se i infektuar është Eni Imami.
Mbrojtësi kryeqytetas i është nënshtruar tamponit pas disa simptomave ndërsa mesditën e së hënës ka marrë dhe përgjigjen e testit.
Kujtojmë se 27-vjeçari Imami e nisi sezonin e fundit me Tiranën dhe e përfundoi në Korçë me Skënderbeun. Ndërkohë më 14 shtator u zyrtarizua si lojtari më i ri i Vllaznisë, por tani i duhet të përballet me pandeminë.
Situata bëhet shqetësuese në klubin shkodran pasi tamponit i janë nënshtruar edhe anëtarë të stafit drejtues. Në pritje të përgjigjes së testit, futbollistët dhe anëtarët që kanë pasur kontakte me lojtarët që kanë rezultuar pozitiv, sipas protokollit sanitar, janë vetë izoluar.
