Situata në spitalin Covid 2 është e rëndë, por jo kritike. Kështu ka deklaruar drejtori i këtij spitali Perlat Kapisyzi. Në një intervistë për neës 24 ai ka thënë se pavarësisht një rënie të lehtë të numrit të rasteve, nuk duhen hequr maskat dhe të injorohen masat e pandemisë. Po ashtu ai ka thënë se testimet janë një zgjidhje për të dalë nga situata, dhe këtë metodë e kanë përdorur edhe vendet me shëndetësi të fuqishme.
“Ka një rënie të numrit të rasteve, ndërsa në janar ose në dhjetor, ose nëntor të gjithë pothuajse spitalet covid ishin në kufijtë maksimalë, aktualisht ky numër është shtruar në të gjithë spitalet e tjerë. 400-450 janë shtruar në spitalet covid dhe të rretheve. Numri i shtrimeve në spitaleve është indikatori kryesor që tregon dhe për incidencën dhe për mortalitetin. Situata është e rëndë por nuk është kritike. nuk mund të vëmë festen mbi sy, të heqim maskat, Ky nuk është mesazhi. Mesazhi është që falë vënies së maskave, kam konstatuar që njerëzit janë më të kujdesshëm me maskat dhe distancimet dhe kufizimet në kohë kanë dhënë rezultatin e tyre. Përse në shumë vende të tilla si vende me shërbime shëndetësore tepër të fuqishme, SHBA, Angli, Gjermani etj, testime, testime, testime, bën testime, gjurmime dhe shtohej numri sepse pjesa tjetër është dhe reagimi i komunitetit”, tha Kapisyzi.
Ai ka folur edhe për situatën aktuale në Sanatorium dhe ka deklaruar se aktualisht është një rastiI intubuar. Kapisyzi tha se spitali “Shefqet Ndroqi” nuk është më një spital i zakonshëm, por spital i kujdesit intensiv dhe për këtë është shtuar dhe numri i infermierve.
“Një rast është i intubuar dhe 8 raste ndiqen me ventilim joinvaziv. Janë mosha të ndryshme, nga 32 deri në 74 vjeç. Sa më e madhe mosha, aq më pak i efektshëm është intubimi. Nuk është vetëm eksperienca jonë, është dhe e botës. Spitali ‘Shefqet Ndroqi’ nuk është më spital i zakonshëm, pavijonet janë intensive care. Këta pacientë përbëjnë 90% në spitalin Shefqet Ndroqi Kjo është dhe arsyeja që është shtuar numri i infermierëve. Më përpara i kishim 1 për 10, tani 1 me 5. në terapi intensive 1 me 3”, tha Kapisyzi.
