Situata e pandemisë në vendin toën është mjaft kritike, teksa më parë është raportuar se spitalet COVID 1 dhe Covid 2 janë mbushur plot të gjithë kapacitetin e shtretërve që kanë. Por siç duket edhe në spitalet e rretheve gjendja nuk është aspak e mirë, ndërsa numri i urgjencave ka qenë shumë i lartë. Vetëm në 24 orët e fundit katër persona të infektuar me koronavirus kanë ndërruar jetë në spitalin e Shkodrës. ABC Neës raporton se viktimat ishin të shtruar në pavijonet e caktuara për personat e prekur me koronavirus. Me vdekjet në Shkodër janë shënuar edhe viktimat e para nga COVID në spitalet e rretheve.
Mësohet se aktualisht në repartin Covid të Shkodrës janë të shtruar 20 pacientë dhe disa prej tyre janë në gjendje të rëndë. Mësohet se shtatë nga pacientët janë duke marrë trajtim në reanimacion dhe një prej tyre është në intubim.
Ndërkohë, bëhet me dije se katër personat që kanë humbur jtën të gjithë ishin mbi 80 vjeç dhe me sëmundje bashkëshoqëruese. Ata kanë qenë prej katër ditësh në intubim dhe nuk ia dolën që të fitonin betejën me virusin vdekjeprurës.
Numri i rasteve me koronavirus në vendin tonë vazhdon të jetë i lartë, teksa vetëm ditën e djeshme janë raportuar 986 raste të reja dhe 19 viktima
