Zëvendëskryeministri i parë i Kosovës, Besnik Tahiri, i cili vjen nga radhët e partisë së koalicionit qeverisës Aleanca për Ardhmërinë e Kosovës (AAK), ka komentuar rreth situatës politike në Kosovë.
I ftuar në emisionin “Balkan Talks” në Euronews Albania, Tahiri u shpreh se zgjidhja më e mirë për Kosovën është që ish-kryeministri Haradinaj të bëhet president i Kosovës.
Ndërkohë, ai shtoi se Albin Kurti dhe Lëvizja Vetëvendosje kërkojnë të përfitojnë nga kjo situatë kaotike dhe si zgjidhje sugjerojnë mbajtjen e zgjedhjeve të parakohshme.
“Ne kemi qenë si aleancë gjatë në opozitë edhe e dimë që opozita gjithmonë do zgjedhje është gjithmonë e natyrshme. Ne kemi qenë shumë të drejtpërdrejtë dhe të sinqertë në momentin kur ka pasur një krizë politike ne kemi ofruar Ramush Haradinaj për kandidat për president.
Unë këtë javë do takoj partnerët e koalicionit takim ku do të diskutojmë këtë temë, pra po flas Lidhja Demokratike e Kosovës, pastaj Nisma dhe AAK-ja dhe aty do të sqarohet mbështetja ndaj Haradinajt”, ka deklaruar zëcvendëskryeministri Tahiri.
Kujtojmë se AAK-ja, partia e ish-kryeministrit Ramush Haradinaj, duket e vendosur për postin e presidentit, ndërsa zv. kryeministri Tahiri nuk e përjashton mundësinë, që Kosova të shkojë drejt zgjedhjeve të parakohshme, nëse nuk do kishte reflektim dhe konsensus nga forcat e tjera politike për të pranuar alternativën e propozuar nga AAK-së./GazetaReforma.com/
