Situata në vend për shkak të covid-19 paraqitet serioze dhe parashikohet që rastet e reja të rriten edhe më shumë.
Gjatë ditëve të fundit është vërejtur një shtim i madh i rasteve me covid-19 dhe po ashtu edhe një numër i lartë i viktimave. Kjo gjë ka bërë që edhe të mbingarkohen spitalet covid.
Ndërkohë mëngjesi dhe paraditja e kësaj të diele, e ka gjetur oborrin e spitalit “Shefqet Ndroqi” ose siç njihet ndryshe si Spitali Covid2, të mbushur me ambulance të cilat prisnin që pacientët e prekur nga covid-19 të shtroheshin në spital.
Kujtojmë se në vendin tonë janë në dispozicion të pacientëve të prekur nga koronavirusi katër spitale, spitali më i fundit Covid 4 i cili u hap rreth një javë më parë.
Ndërkohë ditën e djeshme u shënua edhe një rekord infektimesh që nga fillimi i pandemisë me 846 të infektuar.
Që prej fillimi i pandemisë deri më tani 889 persona kanë humbur jetën nga koronavirusi, ndërsa numri i përgjithshëm i të infektuarve ka shkuar në 42.148 persona./GazetaReforma.com/
