Situata në Gjermani vazhdon të jetë katastrofike, ndërsa numri i viktimave ka shkuar në 133 nga ajo që konsiderohet si përmbytja e shekullit. Sipas burimeve zyrtare të policisë 43 njerëz vdiqën në Nordrhein-Westfalen dhe 90 në Rheinland-Pfalz.
Presidenti gjerman, Frank-Walter Steinmeier, në një deklaratë për mediat tha se ai ishte “shtangur” nga shkatërrimi i shkaktuar nga përmbytja. Gjithashtu ai premtoi mbështetje për familjet e dëmtuara.
“Në orën e nevojës, vendi ynë qëndron i bashkuar”, tha Steinmeier të Premten pasdite.
Gjithashtu ai më rej shtoi se është e rëndësishme të solidarizohemi me ata persona që janë dëmtuar nga kjo katastrofë natyrore.
“Është e rëndësishme që ne të solidarizohemi me ata nga të cilët përmbytja ka marrë gjithçka.”
Gjithashtu zyrtarët kanë paralajmëruar se shifrat e viktimave mund të rriten akoma. Rreth 1,300 njerëz në rrethin Ahrweiler të Rheinland-Pfalzit mbeten të pagjetur, megjithëse përpjekjet për t’i kontaktuar ata e bënte më të vështirë dëmtimi i rrjeteve telefonike.
Ministri i brendshëm, Horst Seehofer, tha se Gjermania “duhet të përgatitet shumë më mirë” në të ardhmen, duke shtuar se “kjo është një pasojë e ndryshimit të klimës”.
Kujtojmë Se për shkak të përmbytjeve janë bllokuar rrugët në disa komuna dhe në disa qarqe autoritetet kanë shpallur gjendjen e katastrofës natyrore.
