Në lidhje me situatën kaotike dhe rradhën e madhe për të hyrë në shtetin fqinj Greqi nëpërmjet pikës kufitare të Kakavijës ka reaguar edhe Drejtori i Agjencisë Kombëtare të Mbrojtjes Civile Haki Çako
Në një deklaratë për mediat Çako bëri me dije se po punohet për normalizim të situatës edhe pse ajo vijon të mbetet shqetësuese.
Më tej Çako tha se qytetarët duhet të tregohen të kuptueshëm, pasi nëse kjo procedurë nuk ndryshon, atëherë nuk duhet të qëndrojnë në radhë, por duhet të kthehen.
“Me të gjitha strukturat ne jemi në krye të detyrës, qytetarët duhet të na mirëkuptojnë se nëse nuk ndryshon kjo procedurë e kanë të kotë të qëndrojnë në radhë, por do të duhet të kthehen”, u shpreh ai.
Qytetarët që kanë më shumë se tri ditë që presin në rradhë akuzojnë ambulancat dhe policinë se po kalojnë njerëz pa rradhë dhe makina luksoze.Ndërkohë kujtojmë se në rradhë ka edhe te moshuar e të mitur, ku njëri prej tyre humbi jetën ditën esotme nga një autoambulancë që po transportonte një të sëmurë.
