Qytetarët e Greqisë janë futur në panik dhe ankth të madh pas mbylljes së dytë totale prej koronavirusit, që përfshiu thuajse gjithë vendin pas nisjes së valës së dytë.
Por pikërisht në këtë kohë të trazuar, ka ardhur dhe një kërkesë e pazakontë për situatën, nga Kisha Ortodokse greke, e cila duket se ka vendosur që të mos tolerojë të gjithë format e bllokimit në vend.
Sinodi i Shenjtë i Kishës së Greqisë i ka kërkuar qeverisë dhe Kryeministrit Kyriakos Mitsotakis, të lejojnë shërbesat e kishës për 10 ditë gjatë festave të Krishtlindjes, me një respekt të rreptë të të gjitha masave të nevojshme shëndetësore.
Lajmi u zbulua nga “Gavriil”, Mitropoliti i Nea Ionia dhe Filadelfia, një anëtar i Sinodit të Shenjtë, gjatë një transmetimi të veçantë në internet të kishës së tij në Facebook.
“Ne shohim që gjendja mendore e njerëzve duke u rrezikuar për shkak të frikës dhe për shkak të kushteve të burgosjes”,- prandaj Kisha e Greqisë i dërgoi letrën qeverisë, tha ai. “Marrëdhënia me Zotin ndihmon në forcimin shpirtëror dhe mendor të njerëzve”.
Metropolitani pranoi se zhvillimet me virusin në muajin e ardhshëm gjithashtu do të duhet të merren parasysh.
Lidhur me Kungimin e Shenjtë, ai theksoi se kjo “është një çështje e besimit personal” dhe se “nuk është e detyrueshme, pasi askush nuk është i detyruar të marrë pjesë”, duke shtuar se “nuk transmeton viruse, por jetë të përjetshme”.
/GazetaReforma.com/
