Menaxhimi i pandemisë në Shqipëri ka dalë jashtë kontrollit. Këtë mund ta kuptojmë fare lehtë me shifrat e paraqitura gjerësisht për muajin dhjetor, ku në shumicën e shteteve u shënua një rënie infektimesh, ndërsa në Shqipëri ende vijon dhe tani infektimi në shifra rekord.
Kur bota parandalon infeksionin ndërmjet vaksimit masiv, Ministria e Shëndetësisë vazhdon propagandën duke rritur pikat e testimit, të cilat përsëri nuk e ndryshojnë vendin e fundit rekord që prej fillimit të epidemisë .
Dështimin total të menaxhimit e tregojnë dhe disa rekorde te pathyeshme gjatë gjithë periudhës siç ishte ai i vendit të fundit të testimeve, numrit më të lartë të vdekjeve, duke e renditur vendin tonë në 15 vendet më të prekura në botë.
Edhe pse vazhdojnë akoma të gjobiten qytetarët por jo Institucionet, të ndalohet dhënia e mësimit në auditore për studentët, të qëndrojmë të izoluar me masat e reja por humbjet e jetës vijojnë me dhjetra në ditë, ende qeveria nuk ka një plan konkret vaksinimi.
Sot në muajin e 11 të pandemisë, qeveria nuk ka bërë publike burimin e ardhjes së vaksinave, apo numrit total që pritet të vaksinohet në vazhdim për një periudhë të caktuar.
Shtet si Kroaci, Bosnjë, Itali, Greqi, etj po e luftojnë virusin me vaksinat, ndërsa tek ne edhe pse thuhet se sigurojmë dozat e nevojshme për 800 mijë banorë, ende nuk janë vaksinuar të gjithë mjekët që janë të parët në frontin e luftës.
Përditë po dëgjojmë humbje jete nga bluzat e bardha, duke e lënë të dyshimtë aftësinë e qeverisë në këtë proces.
Në shtet europiane dhe jo vetëm, shifra e të vaksinuarve kanë arritur në disa qindra mijëra dhe ende ndodhen në situatë kritike, ndërsa tek ne nuk ka mbaruar as një përqindje e papërfillshme e popullsisë.
Dhe në vendet e varfra të Afrikës është deklaruar zyrtarisht nga OBSH se deri në fund të vitit priten të vaksinohen rreth 20 % e popullsisë. Tek ne ende fshihet me fanatizëm burmi i ardhjes së vaksinave.
Vetëm përgjatë 5 ditëve të fundit janë 71 persona që kanë ndërruar jetë si pasojë e COVID-19. Të dhënat zyrtare tregojnë se janë 1,531 persona që kanë ndërruar jetë që prej fillimit të pandemisë.
Por këto shifra vihen në dyshim, pasi këtë muaj pritej publikimi i raportit tre mujor të INSTAT, për numrin e vdekjeve në vend, i cili ende nuk ka dal.
Fakti që ky dokument nuk është publikuar më 12 shkurt hedh dyshimet se situata me humbjet e jetës si pasojë e COVID të mos jetë kjo që pasqyrohet nga autoritet.
