Në Gjykatën e Posaçme kundër Korrupsionit dhe Krimit të Organizuar u zhvillua seanca e radhës për çështjen “Plumbi i Artë”, ku emra të njohur të botës së krimit po vijojnë të rrëfejnë ngjarjet që çuan në arrestimin e tyre.
Të enjten, për herë të parë në sallën e gjyqit dëshmoi Erion Alibej, tashmë i kthyer në bashkëpunëtor të drejtësisë.
Gjatë rrëfimit, Alibej deklaroi se kishte akses në sistemin TIMS dhe se përdorte këtë informacion për të ndjekur lëvizjet e personave që i interesonin. Ai shtoi gjithashtu se kishte marrë një telefon të enkriptuar nga një punonjës policie.
“Ardian Çollaku më vetëofrohet për të më dhënë informacion, sot është i ndjerë. Por para këtij, dua të sqaroj se unë kam lidhur kontakt me një punonjës policisë që e pajisa me telefon të enkriptuar. Sistemin TIMS unë e kisha në dorë dhe kisha ctë doja. Kërkoja çdo informacion për personat që unë isha i interesuar. Kisha akses me nisej çdo gjë me foto.
Nga ky person mora vesh se nga hetimet kishte dalë nje motor që ndiqte Range Rover, mora vesh që Altin Qato ishte drejt zbardhjes se ngjarjes, por nuk e di, nuk e lanë dhe e larguan nga aty, erdhi Arjan Muça më pas drejtor”, tha ai gjatë dëshmisë së tij
