Rusia po ndërshkohet nga organizmat ndërkombëtar për vendimin që ajo mori për të hapur luftë ndaj Ukrainës.
Kundër Rusisë, Bashkimi Evropian, së bashku me Shtetet e Bashkuara dhe partnerët tjerë perëndimorë, shpallën sanksione të reja.
Sanksionet përfshijnë edhe përjashtimin e disa bankave ruse nga sistemi i pagesave ndërbankare, SWIFT.
Por çfarë është SWIFT?
SWIFT, ose “Shoqëria për Telekomunikacionin Financiar Ndërbankar në Botë”, është një sistem komunikimi, që lehtëson pagesat e shpejta ndërkufitare, duke bërë që tregtia ndërkombëtare të zhvillohet më lehtë.
Bankat që lidhen me sistemin SWIFT dhe krijojnë marrëdhënie me banka të tjera, mund të përdorin kodet SWIFT për të kryer pagesat.
Theksojmë se këto kode janë të sigurta dhe u mundësojnë bankave të përpunojnë vëllime të mëdha transaksionesh me shpejtësi.
është bërë mekanizëm kryesor për financimin e tregtisë ndërkombëtare.
Sipas Rishikimit të tij Vjetor, në vitin 2020, çdo ditë kanë qarkulluar rreth 38 milionë kode SWIFT. Çdo vit, triliona dollarë transferohen duke përdorur këtë sistem.
Gjithashtu përjashtimi i bankave të Rusisë nga SWIFT kufizon qasjen e këtij vendi në tregjet financiare në botë.
Kompanitë dhe individët rusë do ta kenë më të vështirë të paguajnë për importet, të marrin pagesat për eksportet, të marrin hua ose të investojnë jashtë shtetit.
Bankat ruse mund të përdorin kanale të tjera për pagesa, si: telefonat, aplikacionet e mesazheve ose emailet.
